Duniya k Aay Musafir!

Duniya k ay musafir manzil teri qabr hay

Tay kar raha hay jo tu do din ka yeh safr hay

Duniya bani hay jab say lakhon karoron aay

Baqi raha na koi, mitti main sab samaaye

Is baat ko na bhulo, sab ka yahi hashr hai

Ankhoon say tu nay apnay kitnay janaazay dekhay

Haathoon say tu nay apnay dafnaaye kitnay murday

Anjaam se tu apnay kyun itna bay khabar hay

Makhmal pay sonay walay mitti main so rahay hain

Shaahoon, gadaa barabaar, ek saath so rahay hain

Dono howay barabaar, yeh maut ka athar hay

Yeh aali shan banglay kuch kaam k nahi hain

Yeh unchi unchi building kuch kaam ki nahi hay

Do guz zameen ka tykra chota sa tera gher hay

Mitti k putlay tujh ko mitti main hay samaana

Aik din he tu k aaya, aik din he tujh ko jana

Rehna nahi hay tujh ko, jaari tera safr hay

Duniya k aay musafir manzil teri qabr hay

Tay ker raha hay jo tu do din ka yeh safr hay